Лидерот на партијата „Левица“ Димитар Апасиев денеска во Крушево изјави дека претстојните избори се клучни за државата и дека граѓаните треба да го дадат гласот за промакедонската платформа.
„На граѓаните би им порачал на овие избори да не си го фрлаат гласот за тиранска и софиска платформа, туку да гласаат за единствената промакедонска платформа, а тоа е платформата на Левица. Ние со двајца пратеници успеавме да спречиме многу штетни политики и мислам дека имаме лице да бараме повторно од граѓаните, и тоа двоцифрен број пратеници. Сметаме дека со тоа ќе спречиме уште штетни политики и би сакал да нагласам дека овие избори се клучни избори за иднината на Македонија. Што поголем број пратеници на Левица значат помалку штета за државата и за сите белези на државата, затоа што од една страна се заканува процес на комплетна косоваризација на државата, а од друга страна процес на бугаризација, така што памет во глава за кого ќе гласате и препорачувам да заокружите 5“, рече Апасиев.
