Најдобрата македонска фудбалерка, Наташа Андонова со успех го носи дресот на Барселона откако пристигна од редовите на уште еден гигант, ПСЖ.
Каталонците се воодушевени од игрите на нашата интернационалка која пред неколку кола даде гол и дирекно од корнер.
Барселона во чест на Андонова, направи специјален видо -прилог во кој Андонова говори за нашата држава Македонија и убавините кои ги има.
Фудбалерката на Барселона го опишува главниот град Скопје, нејзиното родно место Неготино, како и Охрид како туристичка атракција.
Исто така нашата фудбалерка зборуваше за традиционалната храна, како и културата на нашиот народ, фолклорот и слично.
Најдобрата македонска фудбалерка со ова на најубав начин ја промовираше земјава пред милионите навивачи на Барселона, не само во Каталонија, туку и низ целиот свет.
