Црна кампања не може да има, поради тоа што нема кампања по електронските медиуми, таа е забранета. Веројатно по социјалните мрежи е тоа што се случува, денес сите граѓани се по социјалните мрежи и не верувам дека некој може да стави контрола за било каков коментар, постирање на слика, видео и слично, истакна лидерот на СДСМ, Зоран Заев.
„Во делот на кампањата, јас сакам мојата земја да има позитивна кампања, да има натпревар на економски проекти, да има натпревар на економски идеи, да има натпревар за нешто што ќе значи благодет за граѓаните. Очекувам таква кампања да се води, поради тоа што тоа е најмалку што граѓаните заслужуваат да го добијат, а тоа е позитивна кампања и понуда кој политичките партии и политичари преку своите кандидатски листи или изборни штабови да го испорачаат пред граѓаните“, рече Заев.
