За прв пат во историјата на македонското џудо викендов во Скопје, во салата „Јане Сандански“, се одржа Европски џудо куп за јуниори/ки, на кој учество зедоа 230 џудисти од 29 држави. Македонскиот тим настапи со 15 јуниори и јуниорки. Со организацијата на овој елитен натпервар Македонија стана призната и препознаена дестинација на светската џудо мапа. Во Скопје беа присутни најдобрите џудисти во јуниорска конкуренција од цела Европа, но и од држави надвор од европскиот континент. Погледнете како изгледаа најинтересните моменти од овие два дена.
