Прилеп продолжува да биде лидер во селекцијата на отпад во Македонија. Денеска на 12 локации низ градот, покрај контејнерите за селекција на пластика, хартија и стакло се поставени и контејнери за собиратање на електронски отпад. Идната недела ќе бидат поставени уште 12. Контејнерите се наоѓаат на лесно пристапни локации, главните градски улции, каде граѓаните може да дојдат со возила и да го остават отпадот. Станува збор за отпад кој е помеѓу најштетните за животната средина.
„Овој отпад содржи штетни материи, олово, кадмиум, и други кои треба да бидат одделени од сиот оној комунален отпад кој го депонираат граѓаните во контењерите и во кантите за смет. И секој граѓанин ќе може да ги одлага електричните и електронските уреди од помали монитори за компјутер, помали печатачи, мобилни телефони, батерии, акомулатори токму на овие места“, истакна Рубин Абрашоски, директр на ЈКП „Комуналец“ – Прилеп.
Контејнерите ќе ги празни Колективниот постапувач Нула Отпад. Освен овие контејнери ќе има и два собирните центри каде граѓаните ќе може бесплатно да носат погабаритни електронски уреди. Едниот центар се наоѓа во кругот на платото за селекција на отпад кај населбата Сточен пазар, а другиот кај депонијата Алинци.
„Локалната самоуправа работи и на едуцирање со пропаганда и делење на мислења на летоци, да се запознаат граѓаните и јавноста колку е од корист правилната селекција на овој вид на отпад. Прилеп секогаш е и ќе биде еколошки чист град“, додаде Борче Јовчески, градоначалник на Прилеп.
Инаку Прилеп со околу 1.000 тони селектирана пластика и хартија на годишно ниво е лидер во селекцијата на отпадот во Македонија. Прилеп селектира 40% од вкупниот селектиран отпад во државава, вклучувајќи го тука и Скопје. А во градот и 16 населени места секое семејство во посебни канти ја селектира хартијата и пластиката.
Контејнери за собирање на електронски отпад веќе има поставено 12, а таму каде што нема ќе бидат допоставеби уште 12 идната недела, на овие локации:
- 13-катница,
- Кај Уредот,
- Универзална сала,
- Бул „Гоце Делчев“ накај хотел Липа,
- Булевар „Гоце Делчев“,
- Наспроти Џими – маркет,
- Точила под пазарче,
- Димо Наредникот – паркинг накај Шопе,
- Александар Македонски – стадион,
- Стара автобуска до мост покрај ново отворената улица,
- Табана – паркинг зграда,
- Градски пазар од кај катна гаража,
- Типска населба – парк,
- Могила/хотел Салида – кај оградата,
- Кај Економско училиште/алтернатива Рампо Левката,
- Кај паркинг фабрика 11 Октомври,
- Точила – згради паркинг од кај Света Петка Ц3,
- „Самоилова“ кај интернат,
- Економски факултет,
- Тризла меѓу градинка и ООУ „Добре Јованоски“,
- „Александар Македонски“ – накај Лук Оил,
- Вишне кај Месна заедница / алтернатива покрај река повидливо,
- Згради Ѓогдере – видлив пункт од кај реката и
- Болница или Петта прилепска
