Можеби реткој кој знае, но во Прилеп веќе 22 години функционира Центарот за ментално здравје Прилеп кој што е дел од ЈЗУ Психијатриска болница Демир Хисар и кој што се наоѓа во бараките во кругот на старата Итна помош во Прилеп. 22 години овој Центар е една успешна приказна која им помогнала на илајдници наши сограѓни во решавање на проблемите и психичките болести и состојби кои што ги имале. За овој центар поразговаравме со д-р Кире Стојаноски психијатар и раководител на овој центар и психологот Александар Димески вработе во оваа установа.
Центарот пред се помага за намалување на бројот на хоспитализации, државата заштедува на болничко лекување на пациентите, а се намалува и стигмата која постои кон овие лица во општеството. Тие не се хоспитализирани и по добиената терапија можат нормално да функцинираат во општеството, а голем дел од нив да бидат и работоспособни.
Во моментов Центарот го посетуваат околув 160 лица од нашата општина и тој е замислен да функциниора како дневна болница. Токму светски тренд е деинституционализација на установите како психијатриската болница во Демир Хисар и што е можно повеќе отворањето на вакви центри, а за жал кај нас се бројат на прсти.
Со Стојаноски и Димески поразговарме за тоа како граѓаните кои имаат потреба може да добијат преглед тука, дали им се потребни нови вработувања и дали имаат недостиг од кадар, за стигмите во општеството, за тоа колку е потребна поголема поддршка и помош од државата и институциите на ваквите центри, но и за тоа колку граѓаните се грижат кај нас за менталното здравје и колку редовно имаат прегледи.
