Во ЦК „Марко Цепенков“ започна 11-та ликовната колонија Дрен 2019. Колонијата Дрен 2019 се реализира во ликовното ателје на Центарот со учество на уметници од нашиот град, членови на ДЛУП.
На заедничката дружба до недела ќе творат Александар Џинго, Драган Верговски Алпи, Бојана А. Трпческа, Верче Николоска, Марта Макеска, Васил Костов, Тони Чатлески, Атанас Атанасоски, Давид Атанасоски, Дарко Талескi, Методи Исков, Марјан Стојаноски.
Колонијата, по едногодишна пауза, се реализира со поддршка на Министерството за култура, а делата што ќе бидат создадени ќе бидат дел од наследството на ЦК„Марко Цепенков“, кој има завидна колекција на уметнички дела од претходните колонии.
