Грчки државјанин загина во вчерашаната сообраќајна несреќа на патот Прилеп-Градско, во близина на с.Тројаци. Како што соопшти МВР, патничко возило „нисан“, со грчки национални ознаки, управувано од А.Л.(69) од Република Грција, во 13:30 часот излетало од патот.
По незгодата, А.Л. бил пренесен во Општата градска болница „Борка Талески“ во Прилеп, но по кратко време починал.
Извршен бил увид на местото на незгодата од увидна екипа од Полициската станица Прилеп и Јавен обвинител, по чија наредба телото на починатиот било дадено на обдукција.
