Во Крушево по втор започна прскањето и третирањето на депонијата со дронови со цел средството да допре до долните слоеви на отпадот како би почнал процесот на разградување на биолошкиот отпад, а со тоа и намалување на нивото на метан што само од себе е причина за самозапалување на депонијата или со неговото присуство значително би се олеснила работата од намерно палење, напиша на својот Фејсбук профил градоначалникот на општина Крушево, Томе Христоски.
„Процесот на третирање и дејствување ќе продолжи повеќе пати во текот на оваа година до целосно неутрализирање и разградување на биолошкиот отпад. Преку овој процес очекуваме наредниот период депонијата да не се самозапалува и истата да биде безбедна во поглед на ширење непријатни миризби и чад“, напиша Христоски.
