Според Протоколот за превентивни мерки при спроведување на Пописот на населението, попишувањето на лицата кои ќе бидат позитивни на корона и во домашна изолација ќе биде спроведено со посебна организација.
Државниот завод за статистика во соработка со Управата за електронско здравство и „Мој термин“ ќе ги добива списоците на позитивни лица на дневна основа со нивна адреса, ЕМБГ и телефонски број.
Оние лица чија изолација ќе започне на 1. април и ќе заврши за времетраењето на пописот, попишувачот ќе може да ги посети по завршувањето на периодот на домашна изолација.
Оние лица кои ќе бидат позитивни на корона и кај кои изолацијата нема да заврши за времетрањето на пописот, ќе бидат телефонски контактирани и ќе се договорат условите за попишување со добивање на податоци од некој нивен близок кој не е во изолација – стои во Протоколот.
