Со последната одлука на Регулаторната комисија за енергетика, малопродажните цени на бензините еуросупер БС-95 и еуросупер БС-98 се зголемуваат за 0,50 денари за литар, односно за 1 денар за литар, во однос на цените утврдени со претходната одлука.
Малопродажната цена на еуросупер БС-95 сега изнесува 67,50 денари за литар, додека малопродажната цена на еуросупер БС-98 изнесува 70 денари.
Цената на еуродизел се намалува за 0,50 денари за литар и во следниве седум дека ќе се продава за 61,50 денар.
Причина за ова се движењата на референтните цени на нафтените деривати на светскиот пазар кои во споредба со изминатиот седумдневен период забележаа зголемување кај бензинот за 2,18% и намалување кај дизелот за 1,50%, како и поскапувањето на доларот за 0,29%.
