Премиерот Зоран Заев ја напушти централната манифестација на Мечкин Камен по вестите дека големи пожари се закануваат во Кочани и Кумановско, а веќе зафатија и неколку куќи.
„Ситуацијата е под целосна координација на Централниот кризен штаб и се мобилизирани сите неопходни сили и противпожарни служби од општините кои се оптимално блиску за да стигнат. Во моментов е намален ветерот и е локализиран пожарот над Кочани и над Старо Нагоричани за да не зафати нови делови од урбаното подрачје. Јас и неколку министри одиме кон Кочани, а николку министри ќе одат кон Старо Нагоричани. Утре од сабајле ќе дејствуваат и хеликоптерите. Подготвено е утре наутро и помош од соседите доколку е потребно“, изјави вечерва Заев.
