Заев за оставките: Сигурно приметивте дека ова стана банално

Премиерот Зоран Заев одговарајќи на новинарско прашање изјави дека темата со оставките за пожарот во модуларната болница во Тетово станува банална. Како што вели тој, по завршувањето на истрагата ќе го каже својот став за понудените и поднесените оставки на двајцата директори во тетовската болница, заменик минитерот и министерот за здравство.

„Сигурно и вие приметивте дека ова стана банално веќе целото, сите овие денови. Моралната одговорност е испорачана од страна на директорот, економскиот директор, заменик министерот и од министерот. Кажав на почетокот и ќе повторам, истрагата да заврши, да ги видиме резултатите од вештачењето и ќе го кажам мојот став“, кажа Заев.