Последното истражување за проценка на корупцијата спроведено од Македонскиот центар за меѓународна соработка (МЦМС) покажува дека најголем проблем за граѓаните во Македонија е корупцијата.
Според наодите од истражувањето:
Мал број од граѓаните (4%) рекле дека би платиле поткуп, а 17% дека би платиле поткуп доколку можат да си дозволат.
Вкупно 80% од македонските граѓани сметаат дека желбата за брзо лично богатење на оние кои се на власт влијае на широката распространетост на корупцијата.
Иако околу една третина од граѓаните (33,7%) биле изложени на коруптивен притисок, а 32,9% биле вклучени во корупција, сепак, корупцијата останува неказнива.
Речиси три четвртини сметаат дека постои веројатност или голема веројатност за коруптивен притисок и во иднина.
Целосниот извештај може да го прочитате ОВДЕ.
