Мистериозно летало на американската војска без престан кружи околу земјата веќе 720 дена. Станува збор за леталото познато како “X-37B”, а која е целта на неговата мисија останува тајна.
Ова е веќе петта мисија на “X-37B”, наречена “Orbital test Vehicle” и веќе го собори рекордот на претходната, кога леталото кружело околу земјата 714 дена, 20 часа и 42 минути. За време на овие 5 мисии, мистериозното летало има поминато повеќе од 2.000 денови во лет.
Американската војска не сака да прецизира за што станува збор и за мисијата зборуваат во воопштени термини. Се знае дека леталото X-37B е нешто како помала верзија на спејс шатлот на НАСА. Војската на САД има најмалку две вакви летала, а ги изработила компанијата “Boeing”.
Според наводите на војската, основната цел е со помош на ова летало да се истражи вселената, но и нови технологии. Освен тоа, властите не соопштуваат други детали.
