Англискиот премиерлигаш Арсенал го претстави првото засилување за следната сезона, што воедно е и прва аквизиција по доаѓањето на новиот менаџер Унаи Емери. Нов „топчија“ е искусниот швајцарски интернационалец Стефан Лихтштајнер, кој доаѓа како слободен агент, а досега го носеше дресот на италијанскиот првак Јувентус.
„Стефан ќе ни донесе непроценливо искуство во тимот. Тој е играч со одлични квалитети, позитивен на теренот и посветен на фудбалот. Во него Арсенал секако ќе добие големо засилување“, изјави новиот менаџер Унаи Емери за првото засилување на Арсенал.
34-годишниот десен бек сигурно ќе го донесе потребното искуство во одбраната на „топџиите“, а за место во тимот ќе е бори соХектор Белерин.
Швајцарскиот репрезентативец после седум години го напушти Јувентус и како слободен играч се пресели на „Емирати“. Лихтштајнер ќе го носи дресот со број 12.
