Мариово и Трескавец, атрактивните локации од прилепскиот регион, кои се појавуваат во филмот „Врба“ на Милчо Манчевски“ се меѓу финалистите за наградата за најдобра филмска локација. Од вкупно 28 апликации, Македонија се наоѓа меѓу петте финалисти, заедно со Словачка, Германија, Италија и Литванија.
Наградата ја доделува Европската мрежа на филмски комисии, чиј член е и Агенцијата за филм.
Ова всушност е втора година по ред како Македонија е дел од финалистите, по минатогодишната номинација на локацијата каде е снимена „Медена земја“.
