Зоолошката градина во Чунгкинг, Кина организираше роденденска забава за Ксин Ксинг, најстарата џиновска панда во заробеништво во светот, која наполни 37 години, што е еквивалент за 110 човечки години.
Бабата панда доби растителна торта и својот роденден го прослави во зоолошката градина во друштво на стотина свои фанови.
Според соопштението од зоолошката, пандата е во добро здравје и тежи 98 килограми. За неа се грижат двајца вработени кои редовно вршат мерења и го следат нејзиното здравје. Ксин Ксинг секој ден јаде по 30 киклограми бамбуси, еден килограм јаболки и фуражни растенија.
Во зоолошката е доведена кога имала една годинка. Пристигнала во 1983 година, а почнала со размножување во 1992 година. Во 2002 година родила близнаци и поставила рекорд за панда која родила во нејзиниоте дваесетти години. Бремена била 8 пати и има родено 10 панди.
Испаѓа дека таа е баба на сите панди во заробеништво. Има 137 потомци кои живеат во над 20 земји меѓу кои се САД, Канада, Јапонија, Белгија и други.
