Нема да има регуларен старт на наставата во основните и средните училишта во Македонија – новата учебна година в понеделник ќе започне со предупредувачки штрајк. Наставниците ќе дојдат на своите работни места, но денот ќе го поминат во своите канцеларии и нема да држат настава.
Дали децата ќе се примаат во училиштата без да има настава очигледно ќе зависи само од индивидуалните одлуки на директорите од образовните установи.
Синдикатот останува на истиот став бидејќи и по вчерашната средба со министерот не се договориле околу покачувањето на платите на просветните работници.
Предупредувачкиот штрајк ќе трае само еден ден. Доколку и до крајот на следниот месец нема значителен напредок на релација СОНК – МОН, ќе се излегува на протест
Последиците од немање договор ќе ги трпат децата, кои според новиот закон, пропуштените часови ќе ги дополнат во јуни кога ќе заврши годината.
