Личните карти со името „Република Македонија“ продолжуваат да важат и по 12 февруари, но ова се однесува само за внатрешна употреба на документот. Граѓаните ќе можат да ги завршат сите свои обврски и да ги остварат своите права и со личната карта чиј рок не е истечен, а е со името „Република Македонија“, односно при остварување на банкарски услуги, подигнување на поштенски пратки, вадење на изводи и други потреби.
Сепак преминување на граничните премини по 12 февруари со овие лични карти нема да биде можно. Тоа значи дека влез во државите со кои Македонија има потпишано билателарни договори, ќе биде можен со патна исправа (пасош) или со лична карта со името „Република Северна Македонија“. Со личните карти кои се со важечки рок, а се со името „Република Македонија“, нема може да преминете граница.
Инаку, со лична карта македонските државјани можат да патуваат во Албанија, Косово, Србија, Црна Гора и Босна и Херцеговина.
