Поради зголемената фреквенција на луѓе на денешниот пазарен ден во Прилеп, како превенција од топлотниот бран, Општина Прилеп заедно со Црвениот Крст-Прилеп излегоа со заедничка акција. Волонтери од прилепскиот Црвен Kрст, денеска на непосредните менувачи им делеа шишиња со вода и едукативни флаери „Како против топлотниот бран“.
Во централното градско подрачје помеѓу граѓаните беше присутен и градоначалникот на Прилеп, Борче Јовчески кој нагласи дека вакви и слични превентивни активности, Локалната самоуправа заедно со Црвен Крст – Прилеп ќе има и понатаму во интерес на сите граѓани доколу продолжи топлотниот бран, но сепак останува апелот и препораките кои ги упатувааат здравствените институции во Македонија да се избегнува директната изложеност на сонце и прилепчани да го избегнат престојот на отворено во периодот од 11 до 17 часот, исто така апелирше Јовчески.
Со цел справување со жештините и за гаснење на жедта, Општина Прилеп ги активира и ги стави во функција и сите јавни 18 градски чешми – фонтани на територијата на општина Прилеп, со цел граѓаните и жителите од населените места да ги користат за пиење и разладување.
Воедно, Општина Прилеп и сите ЈКП во Прилеп почитувајќи ги одлуките за намалување на ризиците од високи температури, од 17 јули до 25 јули ги ослободија од физичко присуство на работното место и најранливите групи: бремените жени и лицата на возраст над 60 години, со организирање онлајн работата, таму каде техничко-технолошкиот процес го овозможува тоа.
