Патничкиот воз од Велес за Кочани вчера попладне околу 17.20 излетал од шините. Несреќата се случила на делницата од Велес кон Штип, во делот на Овче Поле.
Од Македонски железници АД Транспорт потврдуваат дека воз излетал од шините и се работи на санирање на шетата. Од Министерството за внатрешни работи информираат дека меѓу десетината патници кои биле во единствениот патнички вагон, нема повредени.
Поради излетувањето на патничкиот вагон, железничкиот сообраќај од и кон Кочани од вчера попладне е во прекин.
