Новото игралиште на Илија Јованоски во ООУ „Рампо Левката” во Прилеп траеше само неколку месеци, а сега веројатно ќе го претворат во тревник, бидејќи друго логично објаснување за ова нема. Истакна на денешната прес конфереција Теодора Петреска, член на ОК ВМРО-ДПМНЕ Прилеп.
„Ова е типичен пример за тоа како се трошат парите на граѓаните во општина Прилеп на проекти кои траат само за пред камера. На оваа фотографија е прикажан така наречениот нов пат кој ги поврзува населените места Кадино Село и Галичани. Срамно и понижувачки за жителите од овие две населени места. Сугарески и Јованоски се фалат дека направиле нов пат со дебелина на асфалтот од 5-6 цм. Вака не се решава проблем и на овој начин за неколку месеци ќе никнат нови кратери на патот, а граѓаните одново ќе се соочуваат со истите потешкотии“, рече Петреска.
Таа запраша дали милионските суми со кои власта се расфрлала пред јавноста се трошеле за асфалтирање на патишта и улици со неколку сантиметри дебелина, или пак дел од тие пари завршувале можеби во нечии приватни џебови?
