Полицаец бил приморан да испука два предупредувачки истрала во воздух за да спречи расправија помеѓу две групи на граѓани која се одиграла во близина на спортската сала во с.Бучин, Крушевско, на околу 200 метри од гласачко место.
Настанот бил пријавен околу 18.00 часот во Полициската станица Крушево, по што полициски службеник од Полициска станица Крушево, кој вршел обезбедување на гласачко место, издал наредба да престанат со нарушувањето на јавниот ред и мир. Тие не послушале, по што полицискиот службеник од службениот пиштол испукал два предупредувачки истрела во воздух.
Се преземаат мерки за расчистување на настанот.
