Во изминатите 24 часа направени се 496 тестирања на Ковид -19, при што се регистрирани 48 нови случаи, позитивни на вирусот. Со ова вкупната бројка на дијагностицирани пациенти со Ковид-19 во нашата земја изнесува 711 лица, информираат денеска од Министерството за здравство. Вонредна консулатација меѓу МЗ и Комисијата за заразни болести, потврдени 48 нови случаи на Ковид-19.
Од новодијагностицираните по градови се: Скопје -11, Куманово – 25, Штип -1, Прилеп – 4, Тетово – 1, Струга – 3, Охрид -1, Гостивар -2.
Според местото на живеење, досега случаи на Ковид -19 се регистрирани во:
Скопје – 284,
Куманово – 168,
Прилеп –50,
Дебар – 49,
Струга – 33,
Тетово – 31,
Штип – 21,
Кочани – 19,
Велес – 18,
Битола – 8,
Гостивар – 6,
Охрид – 4,
Гевглелија – 4,
Радовиш – 4,
Крушево – 3,
Кавадарци – 3,
Крива Паланка – 3,
Струмица – 2
и Пробиштип – 1.
Последните неколку дена нема пријавено ниту еден заболен во Дебар.
Денеска од Клиниката за инфективни болести и фебрилни состојби со два негативни теста на Ковид-19 се испишани 3 оздравени пациенти, двајца од Тетово и еден од Куманово. Два пати негативен и оздравен е пациент од Скопје кој се лекуваше во домашни услови.
Согласно извештајот на Институтот за јавно здравје, во денешната статистика ќе бидат евидентирани 2 претходно починати лица. Едно лице од Лабуништа – Струга (63г) за кое Министерството информираше на 5 април. Пациентот беше донесен во тешка состојба на Клиниката за инфективни болести и фебрилни состојби во Скопје, а неговиот тест е изработен постмортем. Во денешната статистика на ИЈЗ ќе биде евидентиран и починатиот притвореник од Истражниот затвор во Шутка.
