Фудбалерите на ФК Победа, генерација У15 (до 15 год.), утрово заминаа на престижен меѓународен турнир на Златибор ИСФ КУП ЗЛАТИБОР 2024. под водство на тренерот и координаторот на младинската школа Кирил Овезоски.
Ова е одлична прилика за нашите млади надежи и нашиот клуб ФК Победа да се претстават во вистинско фудбалско светло и да покажат какви таленти се создваат во најфудбалскиот град во Македонија, Прилеп.
Турнирот ќе се одржи 03.-04. мај 2024.год. На турнирот учество ќе земат 16 екипи од Македонија, Србија, Романија, Босна и Херцеговина и Црна Гора. Нашата екипа ќе игра во најсилната група Ц со екипите на ФК Црвена Звезда (Срб), ФК Ком (ЦГ) и ФК Софекс (Срб).
На 03.мај се играат првите натпревари:
09:30ч. ФК Победа- ФК Ком
11:45ч. ФК Ц.Звезда-ФК Победа
16:15ч. ФК Софекс- ФК Победа.
Наредниот ден се играат утакмиците за пласмани.
Од Македонија, покрај ФК Победа, ќе учествуваат уште ФК Македонија Ѓ. Петров, ФК Воска и ФК Њу Старс.
На нашите млади фудбалски надежи, им посакуваме многу успех, да не претстават во вистинско фудбалско светло и се надеваме да се вратат со пехар.
