Премиерот на Косово Рамуш Харадинај изјави дека Европската унија во март следната годин,а по прославата на 10-годишнината од независноста, ќе укине визи за граѓаните на Косово.
„Граѓаните на Косово ќе може да патуваат без визи надоцна до крајот на март идната година, а можеби и пред тој датум. Исто така, во тој месец и безбедносните сили на Косово ќе станат армија на Косово“, изјави Харадинај.
Тој најави дека на 18 декември во Брисел ќе се разговара и за тие прашања, објави РТК2.
Ова е првпат Харадинај да изнесе конкретен датум за решавање прашања како што се либерализација на визите и формирање армија на Косово.
