Во последните 24 часа регистрирани се 16 нови случаи на заболени од Ковид-19, како и 14 оздравени пациенти.
Распоредот на новозаболените по градови е С0копје-9, Штип-5, Струга-1 и Гостивар-1, додека од оздравените пациенти 3 лица се од Скопје, 11 од Тетово.
На Клиниката за инфективни болести и фебрилни состојби почина пациентка од Велес на 78 годишна возраст, хоспитализирана на 14 мај. Во ГОБ „8 септември“ почина пациент од Тетово на возраст од 84 години, примен во болница на 20 мај и 76-годишна пациентка од Скопје, примена на 19 мај.
Со тоа вкупната бројка на ковид дијагностицирани во нашата земја од почетокот на епидемијата изнесува 2014, бројката на оздравени пациенти е 1453, на починати е 116, а во моментов бројот на активни случаи во земјата изнесува 445.
