Американскиот телевизиски канал Си-ен-ен објави снимка од спасување дете од запалена зграда во американската сојузна држава Џорџија.
Како што се наведува во описот на видеото, пожарот избил на 3 јануари во округот Декалб, а снимката сега е објавена. Во пожарот биле повредени 12 луѓе.
На снимката се гледа како пожарникар фаќа дете фрлено од третиот кат на зградата.
„Го фативме детето како топка во американски фудбал. Беше неверојатно“, изјави еден од пожарникарите.
Пожарникарот херој е всушност капетанот на единицата, Скот Строуп, а во акцијата и други пожарникари спасувале деца што родителите ги фрлале од опожарената куќа.
