Демонстрации и судири во Нант поради убиство на момче

Share on facebook
Facebook
Share on twitter
Twitter
Share on email
Email
Share on print
Print

Француската Влада денеска повика на смирување на ситуацијата после судирите на полицијата со демонстранти во Нант кои протестираа поради смртта на момче кое го убил полицаец кога со возило се обидело да избегне контролен пункт.

 

“Повикувам на апсолутно смирување на ситуацијата и апсолутно почитување на владеењето на правото”, изјавила француската министерка за правда, Никол Белубе.

 

Момчето, кое имало дваесетина години, удрило полицаец кога тргнало наназад кај еден контролен пункт, и тогаш во него пукал друг полицаец.

 

Демонстрантите синоќа палеле автомобили, кршеле продавници, фрлале „молотови коктели“ врз полицијата, а запалиле и неколку згради во Нант, град во западна Франција. Немирите се смириле во раните утрински часови откако полицијата добила зајакнување.

 

 

Полициски извори наведоа дека е покрената истрага во врска со постапката на полицаецот кој пукал во момчето.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи