Аргентина го раскина договорот со Сампаоли

Хорхе Сампаоли повеќе не е селектор на „Гаучосите”. 58-годишниот стратег си заминува откако Фудбалската федерација на Аргентина го раскина неговиот договор.

 

Аргентина беше едно од разочарувањата на мундијалот во Русија, едвај ја помина групата и испадна веќе во осминафиналето. Поискусните играчи на „Гаучосите“ бараа негово разрешување уште пред клучниот меч со Нигерија и сакаа тие да го состават тимот.

 По долги преговори, двете страни изминатиов викенд се договорија за обештетување од 2 милиони долари, по што следуваше и официјално соопштение.

„Денеска, Фудбалската федерација на Аргентина и селекторот Хорхе Сампаоли на взаемна согласност го раскинаа договорот“, гласеше известувањето.

 

Заедно со Хорхе Сампаоли си заминаа и фитнес тренерот Хорхе Десио како и видео аналитичарот Матијас Мана.

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien