Нашиот репрезентатиивец во нордиско скијање и биатлон Ставре Јада го освои второто место на ФИС натпреварот во нордиско трчање кој се оодржа во Сјеница, Србија. Јада освои и 76 ФИС поени во доста силна балканска конкуренција.
„Тука не застанувам,од утре повторно се враќам на тренинг. Во јануари и февруари имам доста натпревари. Според мене 2018 е успешна година. Најмногу ќе ја паметам по Олимписките игри во Пјонг Чанг и неколкуте добри резултати во нордиско трчање. 2019-та пак кон крајот на јануари и почетокот на февруари ме очекува Светско јуниорско првенство во биатлон, потоа следуваат околу 7 трки во нордиско скијање, а во март светско сениорско првенство во Шведска“, истакна Јада.
Неговиот најголем сон е учеството на светскиот куп во нордиско скијање во 2019-та.
