Археолозите го потврдија долготрајното сомневање на историчарите дека познатиот затвор Алкастраз бил изграден над воени тврдини од времето на американската граѓанска војна.
Археолозите користеле радари и ласерско скенирање на земјата, како и историски мапи и фотографии. Пронајдени се целосно закопани згради, складишта за муниција и тунели.
„Остатоците датираат од 19-от век“, се наведува во статијата во списанието „Геофизика под површината“.
Локалните медиуми пренесуваат дека истражувачите пронашле голем број соби и тунели под дворот на Алкатраз, каде што своевремено затворска казна служеше познатиот мафијаш Ал Капоне.
Историчарите веруваат дека работници во 20 век го граделе затворот над веќе постоечки градби. Објектот е максимално обезбеден и изолиран поради што е наречен Алкатраз на Карпестите Планини или планински Алкатраз. Тој се наоѓа на остров во заливот Сан Франциско и американските власти го користеле кога во 1840 година ја освојувале Калифорнија од Мексико. За време на граѓанската војна, тврдината била користена како воен затвор, а од 1930 до 1963 година како федерален затвор.
