Еден од двајцата загинати во тешката сообраќајна несреќа што се случи на излаезот од Битола кон Прилеп е норвешки државјанин, а со него патувалa уште една жена од Норвешка, инфомира битолската полиција.
„Во сообраќајната незгода учествуваа патничко возило марка „Цитроен ксара”, со прилепски регистарски ознаки, управувано од 44-годишниот прилепчанец П.В. и патничко возило марка „Цитроен Ц1″, со битолски регистарски таблички, управувано oд 64-годишниот норвешки државјанин З.Р., со кого патувала и Норвежанката A.E. (49). Во незгодата од повредите на лице место починале двајцата возачи, а A.E. се здобила со тешки телесни повреди и е пренесена во Клиничката болница во Битола“, информираат од СВР Битола.
Увид на местото на несреќата изврши увидна екипа на СВР Битола, во присуство на јавен обвинител. Сообраќајот на релација Битола – Прилеп по неколкучасовен прекин, беше нормализиран во 19:25 часот.
