Денеска службениците од Шумската полиција од Прилеп реализираа повеќе одделни акции на различни локации, при што се запленети значителни количини бесправно складирана и транспортирана дрвна маса.
„Околу 15:00 часот, во атарот на с. Беловодица, беа пронајдени и одземени 2,10 м³ дабови огревни дрва бесправно складирани. Во 17:00 часот, во дворен простор во с. Ропотово, одземени се дополнителни 1,40 м³ дабови огревни дрва, исто така бесправно складирани. Потоа, околу 19:30 часот, на место викано „Шаторов Камен“, беше одземен еден шпедитер натоварен со 1,10 м³ лескови огревни дрва. На истата локација беа пронајдени и дополнителни 1,00 м³ лескови дрва. Сите одземени дрва и средства се предадени во ПШС „Црн Бор“ – Прилеп, а против инволвираните лица се поднесени соодветни пријави согласно закон. Шумската полиција продолжува со засилени контроли на терен и порака дека бесправната сеча, складирање и транспорт на дрва ќе бидат санкционирани без исклучок“, истакнувата од Шумската полиција во Прилеп.
