Доцна синоќа се одржа ВОНРЕДНА седница на Советот на Општина Прилеп на која беше усвоен следниот Заклучок.
1.Усвојување на Итен извештај: Советот во целост го усвојува Итниот извештај од Градоначалникот на Општина Прилеп, во својство на командант на Општинскиот кризен штаб, за преземените мерки, моменталната состојба со пожарите во с. Чаниште и Мариово, како и расположливоста на човечките и материјалните ресурси.
2.Мобилизација на општинските ресурси: Советот дава целосна поддршка со цел ставање на располагање на целокупната расположлива тешка механизација, опрема и човечки ресурси од јавните претпријатија (ЈКП „Комуналец“, ЈКП „Водовод и канализација“ и ЈП за ПУП Прилеп) како директна логистичка поддршка на Територијалната противпожарна единица (ТППЕ) Прилеп.
3.Финансиска поддршка и логистика: Во рамките на постоечките договори (тендери) на Општина Прилеп, да обезбеди и насочи гориво (нафта) за механизацијата, како и потребна храна и вода за пиење за сите ангажирани лица и екипи на терен.
4.Координација со полицијата и безбедносни мерки: Советот ја прифаќа информацијата од МВР – Полициската станица Прилеп во врска со ангажирањето на полициските службеници на терен (сообраќајни патроли, обезбедување и евентуална евакуација на населението). Воедно, се јавува силна основа и очекување дека надлежните органи во најкраток рок ќе ги утврдат можните сторители и со помош на граничната полиција ќе поднесат соодветни пријави.
5.Мониторинг на штети и комисија: Советот ја следи состојбата на терен (каде досега се зафатени околу 32 хектари претежно пасишта и неуредена шума, со можност за дополнителни увидни проверки кон Маргара и Крушевица).
6.Институционална координација: Советот апелира до Центарот за управување со кризи (ЦУК) и Дирекцијата за заштита и спасување (ДЗС) за поактивно теренско присуство, директна координација и помош во ресурси, со потсетување дека граѓаните можат да ја користат телефонската линија 112 за пријавување вонредни состојби.
7.Овој Заклучок влегува во сила со денот на донесувањето.
