Шестгодишно дете се здоби со тешки телесни повреди, кога автомобил марка „пежо“ удрил во него, информира МВР.
Според полицијата, сообраќајката се случила вчера во 15.45 часот на улицата Војводинска. Автомобилот со прилепски регистарски ознаки, управувано од С.Ѓ.(50) од Прилеп, удрил во шестгодишното дете од Прилеп.
Од ударот детето било тешко повредено по што било однесено во Градската болница Прилеп.
Увид на местото на настанот извршила екипа од ПС Прилеп.
