Две лица се повредени во сообраќајка во Прилеп.
Според пријавеното, вчера во 07.10 часот било пријавено дека на крстосницата од ул.„Гоце Делчев“ и ул.„Кузман Јосифоски“ во Прилеп се случила сообраќајна незгода помеѓу патничко возило „ауди“, со прилепски регистарски ознаки, управувано од П.Т.(64) од Прилеп и патничко возило „рено меган“, со прилепски регистарски ознаки, управувано од З.Х.З.(34) од Прилеп.
Во незгодата П.Т. се здобил со тешки телесни повреди, а со телесни повреди се здобил З.Х.З., констатирани во Градската општа болница Прилеп. Извршен бил увид на местото на незгодата од увидна екипа од Полициската станица Прилеп.
