По обилните врнежи од снег, од ЈКП „Комулаец“ информираат дека нивнитет екипи уште од рано утринава биле на терен и се расчистувало најпрво централното градско подрачје, а потоа и сите тротоари на булеварот и тротоарите на главните улици.
Од ЈКП „Комуналец“ велат дека исчистени се приодите на пешачките премини, отворени се патеки за движење низ плоштадите, а се работи и на отворање патеки низ парковите.
Од страна на ангажираните служби од Локалната самоуправа за чистење на улици комплетно бил исчистен булеварот и сите пиголеми патни артерии низ Прилеп, а според Програмата за работа се чистеле и помалите улици.
„Со чистење ќе се придолжи во текот на целиот ден, со цел граѓаните да можат непречено да се движат низ градот, впрочем тоа е наша обврска, да овозможиме и по вакви големи врнежи од снег нормално одвивање на животот во градов. Ваквите состојби да не се користат за политички пресови со кои беспредметно се критикува јавното претријатие, кое пак, секогаш е на врвот на својата задача“, вели првиот човек на „Комуналец“, Сашо Велески.
