Во Изложбениот салон на НУЦК „Марко Цепенков“ од петок 05.03.2021 година до 25.03.2021 година ќе биде отворена изложбата „МИКРОСАМ – одбележување на 30 години македонска генијалност во решенија за производство на современи композити“.
Посетителите од 09:00 часот до 18:00 часот секој работен на изложбата ќе можат да видат примероци и материјали кои се плод на досегашната работа на „Микросам“, како и специјално и со големо внимание дизајнирани календари, постери од машини произведени од врвни професионалци, примероци изработени на самите машини, награди и признанија, слики и видеа од целокупното 30 годишно постоење на „Микросам“.
На изложбата ќе бидат применети сите мерки за заштита од коронавирусот – задолжително носење на заштитни маски и контрола на групирање.
