НОВО во GALA WASH Прилеп !!! Перење на патосници - Антибактериски мирис - Црнило за гуми
Амбасадорот на ЕУ Дејвид Гир порачува дека на охридското крајбрежје не смее да има дивоградби и тие треба да бидат отстранети, во денешниот твит.
Тој вели дека уникатното природно и културно богатство на регионот, признаено од УНЕСКО, мора да биде зачувано и дека со заштита на наследството на Охрид се инвестира во нови работни места во туристичката индустрија.
„Нелегални градби не смее да има на охридското крајбрежје и треба да бидат отстранети. Уникатното природно и културно богатство, признаено од УНЕСКО, мора да биде зачувано. Со заштита на наследството на Охрид, ние исто така инвестираме во туристичката индустрија денеска и утре. Владеење на правото“, твитна Гир.
Охридскиот регион по последните два катастрофални извештаи на УНЕСКО за урбанистичкиот хаос во регионот е многу веројатно дека ќе биде ставен на Листата на светско наследство во опасност.
