Од здравствен аспект, пописот ќе биде безбеден како да влезете во продавница да купувате намирници, вели директорот на Државниот завод за статистика, Апостол Симовски.
Засега половина од пријавените за попишувачи се вакцинирани.
„Како што е безбедно да влезете во продавница да купите намирници основни елементарни. Тоа го правиме секојдневно речиси две години. Колку што е безбедно да прошетате било каде, затоа што веќе не живееме затворени, не сме изолирани како што бевме на почетокот на пандемијата. Погледнете ги кафеаните полни се, преполни“, рече Симовски.
