Научниците во неодамна објавена студија предупредуваат дека на Европа и се закануваат големи поплави, како оние што неодамна ги погодија Германија и Белгија. Опасноста од излевање е зголемена за 9 пати, а како причина за тоа ги наведуваат климатските промени.
Анализите покажуваат дека температурите во просек се повисоки за 1,2 степени Целзиусови, со претходните податоци.
Фридрих Ото, климатолог и директор на Институтот за промени во животната средина на Универзитетот Оксфорд, рече дека поплавите покажале дека дури и развиените земји не се безбедни од силните ефекти на екстремните временски услови што се влошуваат поради климатските промени.
Анализирајќи ја матрицата на врнежи низ Западна Европа, научниците дојдоа до проценка на веројатноста кога може да настанат големи поплави. Според нивните наоди, големи поплави како онаа во западна Германија може да погодат која било област на секои 400 години со моменталните временски услови.
„Поплавите во Германија беа редок настан. Од друга страна, можноста тие да се случуваат почесто се зголемува, и таа можност ќе биде поголема во иднина”, вели Мартин ван Алст, директор на Климатолошкиот центар на Црвениот крст.
