При дополнителен преглед на македонскиот автобус кој изгоре на автопатот во Бугарија било пронајдено уште едно тело. Со тоа бројот на жртви се искачи на 45. Веста за бугарската НОВА ја потврди заменик главниот обвинител и началник на Националната истражна служба Борислав Сарафов. Вчера инспекторите рекоа дека се сомневаат дека е исчезнат член на групата.
„Во 21:15 часот во трагичната ноќ преку „Капитан Андреево“ влегле 52 патници, од нив во автобусот пронајдовме 45, а седуммина се во [болницата] „Пирогов“. За жал, нема уште еден спасен“, рече Сарафов.
Тој рече дека истражителот и обвинител испратени во Скопје ќе останат во Македонија до недела. Тие треба во Бугарија да ја донесат документацијата поврзана со изгорениот автобус и примероци од ДНК од роднини на загинатите за да почне идентификација на жртвите.
