Денешните блокади организирани низ цела Македонија се олицетворение на гневот насобран на македонскиот народ, рече Бојан Лазароски од Левица Прилеп на денешниот протест против францускиот предлог, кој се одржа со блокада на патот Прилеп-Градско, кај месноста Заполшки мост.
„Им даваме тука едно предупредување и им кажуваме дека е само почеток, на Бугар Османи, на Таче и на таканаречениот претседател на македонскиот народ дека нема да застанеме и ќе се бориме до крај. Нашите предци не гинеле за Македонија, нема толку крв истечено на оваа македонска земја за ние без борба да ја предадеме. Затоа, ги премолувам сите да се разбудат, охрабрат и да застанат рамо до рамо, сите македонски браќа и сестри до веќе разбудените свои браќа Македонци“, рече Лазароски.
