НОВО во GALA WASH Прилеп !!! Перење на патосници - Антибактериски мирис - Црнило за гуми
Министерот за економија Крешник Бектеши изјави дека се планира во август да се прогласи кризна состојба во делот на електричната енергија. Состојбата е непредвидлива и сериозна и претстојната зима ќе биде тешка.
„Ние планираме како Министерство за економија да ја ставиме во функција комисијата и во август да прогласиме кризна состојба во делот на електричната енергија. Во таа кризна состојба предвидени се и рестрикции, но ако нема забрана за увоз на електрична енергија во регионот како што беше случај еднаш со Бугарија, тогаш нема да има рестрикции за граѓаните“, истакна министерот Бектеши.
Тој информира дека кризната состојба би била со цел да се интервенира финансиски, зашто вчера интервенирала ЕБОР со 100 милиони евра за потребите на ЕСМ.
„Ќе се купува електрична енергија, но и јаглен и мазут. Зборуваме за три блока во РЕК Битола и за ТЕЦ Осломеј и за ТЕЦ Неготино. А треба да ги сочуваме и хидрокапацитетите за да имаме електрична енергија за зимскиот период. И на следниот состанок на Опен Балкан ќе се обидеме да споделуваме податоци за економските потреби на другите земји и покрај одлуките за извоз. Ова ќе важи и за електричната енергија и за другите енергенси ако некоја земја ги има на располагање“, додаде Бектеши.
