Жителите на селото Ореовец крајно револтирани коментираат дека дрвокраците веќе немаат ниту страв од полицијата па започнале, слободно, на сред бел ден, со натоварени шпедитери да си поминуваат низ селото и никој не ги запирал.
Според жителите на Ореовец дневно тука, во тој предел, поминувале и по 20 до 30 шпедитери натоварении со дрва. Планините околу селото биле комплетно испустени, а оваа дрвна мафија никој не ја стопирал во криминогените активности. Групата на дрвокрадци некои денови броела и до 70 мина.
„Ова е навистина жално да се гледа, брука и срам за целата наша држава. Целото шумско богатство во околината е исечено. Утре каков воздух ќе дишеме без дрвја, белите дробови на Прилеп повеќе ги нема, затоа и има толку многу заболувања кај луѓето. А надлежните се однесуваат како ништо да не се случува. Ова трае со години, со децении, целиот систем е корумпиран и трул, ништо не функционира“, со огорченост раскажуваат жителите на ова село.
Жителите се плашат и за својот живот затоа што добивале закани ако се обидат да ги спречат дрвокрадците, а тие пак краделе и од црковните дрвја и од приватни шуми и забели на жителите. Се ригорозни казнии за дрвокрадците и одземање на целата опрема со која се крадат дрвата.
