КУД „Мирче Ацев“ од Прилеп освои 2 значајни награди на Меѓународниот фолклорен фестивал во Велика Горица – Загреб, кој се одржа од 13 до 16 јули. Едната награда е за „Техничка изведба“, а другата за „Изворност“’.
„Овие награди ни значат многу и се едно вреднување на она што го работиме, трудот кој го вложуваат сите членови како и взаемниот квалитет при изведбите. Инаку на овој фестивал бевме поканети да учествуваме преку Хрватскиот конзулат во Битола“, истакна Горан Василески, претседател на КУД „Мирче Ацев“.
На фестивалот учествуваа над 300 учесници од 10-на држави од Балканот и Европа.
