Откако Роналдо ја изговори таа реченица, дека се смета себеси за најдобар во историјата на фудбалот стигнаа многу реакции, но се чекаше што точно ќе изјави Марадона. Тој не може да биде едноставен или неинтересен.
Легендата на Аргентина и светскиот фудбал имаше урнебесен одговор на изјавата на Кристијано Роналдо со која Португалецот сам се прогласи за најдобар фудбалер во историјата.
„Роналдо вели дека е најдобар во историјата? Кажете му да не се зафркава“, рече Марадона на што доби ново прашање
Ако Роналдо е најдобриот во историјата тогаш што си ти?
„Па поради тоа ти велам кажете му да не се шегува“, дополни Диего низ смеа.
„За мене… од тоа малку што го имам видено најдобри се Алфредо Ди Стефано, Јохан Кројф и Меси. И Кристијано може да биде тука“, рече Марадона за „Ас“.
