НОВО во GALA WASH Прилеп !!! Перење на патосници - Антибактериски мирис - Црнило за гуми
Во изминатава година, со јасна визија, целосна посветеност и транспарентност, ја саниравме затекната исклучително лоша состојба во голем дел од државните објекти што се под наша надлежност, велат од Службата за општи и заеднички работи.
„Негрижата, запуштеноста и отсуство на системско одржување во изминативе години доведе до сериозно влошување на инфраструктурата и функционалноста на овие објекти. Препознавајќи ја важноста на државниот имот како јавна вредност која треба да се одржува, заштити и рационално користи, спроведовме низа конкретни активности за санација, реконструкција и ставање во функција на голем број објекти:
- Просторот околу Владата доби репрезентативен лик – ја вративме оградата, комплетно реконструирана по претходно неадекватно складирање и уништување, а целосно го уредивме и дворот – хортикултурно е обновен, поставени се рефлектори, автоматизирани системи за наводнување и санирани се сите оштетувања
- Поранешниот објект на Комерцијална банка, чија изградба беше во застој, сега е речиси комплетно завршена, реализирани се 78% од потребните зафати
- Вилата Свети Стефан во Охрид беше буквално невидлива од обрасната вегетација – сега е расчистена и пристапна, со делумно функционална внатрешност
- Куќата на Хаџиманови пред Владата, која долги години беше неискористена, сега е во функција со комплетно обновена електрика и водовод
- Вилите на Водно и во Охрид, кои сè уште се водат како дивоградби, влегоа во постапка за легализација и добивање имотни листови
- Во Клубот на пратеници, преземени беа поголеми зафати на одредени сали, се купи нова опрема и инвентар и моментално успешно се користи за настани од државен карактер
- Комплексот Македонско село, оставен да пропаѓа повеќе од 7 години, повторно е ставен во функција по пат на избор на концесионер
- Во тек се постапки за јавни набавки за санација на покривите на државните институции, кои беа причина за сериозни проблеми со прокиснување и оштетувања на објектите
Преземените активности претставуваат конкретен доказ за нашата одговорна и домаќинска грижа за државниот имот. Наместо запуштеност и занемарување, денес државните објекти се ставени во функција, уредени и достапни за потребите на институциите и граѓаните. Преку системски пристап, вложување и ангажирање на сите ресурси, воспоставуваме нов, соодветен стандард во управувањето со јавниот имот – стандард на професионалност, отчетност и грижа“, велат од СОЗР.
